الثلاثاء، 1 ديسمبر، 2015

لكنه غاب..


زي العاب الأطفال اللي بتتملى هوا، فتتحور لشكل معروف
طائر،سمكة مفضضة و لا دبدوب الحبّيبة
لكني،  اتسرب مني هوا الحياة
كشيت
واتركنت جنب السور الي بيوقع،وأنا واقعة جنبه  عالأرض
مفيش حيوية جوه ولا حتى شكل
متطبقة على بعضي وعلى أحلامي اللي سقطت في الطريق
لازم الْمح بكرة عشان أجّمع أعضائي في حركة أخيرة ناحيته
لكنه غاب،  وجسمي ماعدش يطاوعني في جرِّي له غصب عالدنيا
عقلي فقد الرغبة في أي محاولة للخروج من الطوق
ووعي الوحيد،حر،ماعجزش بس بيتعجز
شكل وجودي أسره بين بين
خاب في التحرر من حياته، عقم عن التحرر في حياته
كل يوم الصبح اقوم احشي فجوات دواخلي بشوية الهاءات  للي بيبصلي بغبا ويمكن التهام
عشان مايشوفش هزال هيكلي النفسي اللي شبه بشْر الصابون بالكاد له هيئة
ساعات،مايمكنّاش غير اننا نلعب سيزيف
لان مالناش فيها.

Author:

I am a whole universe 

0 comments: