الاثنين، 26 مايو، 2014

الى أن ينبت وطن

هي الوطنية انك تقدم مصلحة المعنى المجرد"الوطن" على المواطنين؟
طيب هو الوطن ناس ؟ فكرة؟
يمكن الوطن مكان بتحس فيه بالراحة والأمان

طيب فين ده من مصر ؟
التواصل مع الجمادات أصدق ، الناس بعيدة اوي فعشان شارع بورسعيد،مدرسة الفرنسيسكان،ساعة الزهور،قايتباى وجيلاتي مكرم 
عشان سيوة والغردقة والاسماعيلية والقنطرة والنوبة الجديدة اللي عمري ماشفتها وسينا اللي بتمنى اعيش فيها يوم ما
يمكن عشان الخباز اليوناني اللي بعد منه الصيدلي الارمني ومن قبلهم نادي الموارنة وموازي للترام نواحيهم نادي الجنوبيين الافارقة وكلهم حيتهم بالفرنسية وانا طفلة
عشان شكل أحياء جميلة كل يوم بتنطمس بالغوغائية ، ومكان كل يوم بيتسحب لدوامة تغير الشكل وهيئة المدينة اللي بيتروح مننا
رغم ضيقي ، وشح فرصي في البلد
رغم ان امكانياتي تؤهلنى لاكثر بكثير ولا أنال أي مما احلم وبيكتفني  الفساد والمحسوبية وغياب الفرص النظيفة
رغم ان كل اللي حواليا بيبان مقفولة ومش عارفة ارتاح هنا ولا الاقيلي وطن حقيقي
يمكن محدش عايزنا ..
رغم ده حنحاز للمكان ، يمكن من باب البكا عالاطلال
يمكن بعمل زي جدودي في النوبة اللي اتمسكوا ببيوتهم وهم بيغرقوهم ويدفنوهم احياء تحت المياه
بس حمسك في المكان حتى لو غرقت اسكندرية في الموجه اللي جايا ، حتى ينبت لي وطن او اصير وطني.

Author:

I am a whole universe 

0 comments: