الثلاثاء، 21 يونيو 2011

هيش


  زي هيش الزهر
   عوده رفيع وصلب وضعيف
   صلب قدام الكسر الطبيعي
   مشدود زي الوتر بيعزفه هوا
   لكنه ثباته ضعيف في الريح
   وخصوصا لو الزوابع عبثية
   او مستأصداه
   همها كله تجرفه عن علامات طريقه
   ورغم حربه المستمرة في جبهته
   مابيبطلوش يصطادوه في ظهره بالجرنال المتني
   او فرد القبقاب
   يسحقوه ويبرروا : اصله بيقرص
   ماهو لو كان بيقرص كان عرف يقفش في جلد حد ويلتحم
   يغرس جذوره فيه فينبت منه
   ومايهيمش غصب عنه
   مجرور بزعابيب صغيرة
   تلفه استغماية في وسط ساقية غيط
   لاله طرف ولاسور ولاحدْ أرض.

Hapy
19يونيو
2011

Author:

I am a whole universe 

0 comments: