الأربعاء، 14 مارس، 2007

لما


لما العنكبوت يتعلق بشبكته الضعيفة في سقف الحيطة
و يعمل ممر يومي له يطلع و ينزل منه
و يجي حد يقطع حباله الدايبة دي من جدرها
في الوقت اللي هو لسه متعلق في النص
نص ارتفاع الأوضة
تفتكر ..
حيحس بإيه؟
أكيد حيجزع .. حيهلع .. حيحس بالضياع طول مدة سقوطه
لكن الأكيد برده انه حيبقى سعيد
لأنه أخيرا مش حيمشي متلقلق خايف
ليقطع خيط أو يتعثر
حيبقى حر من خوفه.. و من حياته كمان.

Hapy
2005

Author:

I am a whole universe 

1 comments: